ଅର୍ଗସ ବ୍ୟୁରୋ : ନୂଆଦିଲ୍ଲୀରୁ ଦୁଇ ହଜାର କୋଟି ଟଙ୍କାର ଡ୍ରଗ୍ସ ଜବତ ହୋଇଛ । ବିପୁଳ ପରିମାଣର ଡ୍ରଗସକୁ ନମକିନ୍ ପ୍ୟାକେଟ୍ ଭିତରେ ଲୁଚାଇ ରଖାଯାଇଥିଲା । ଗୁରୁବାର ରମେଶ ନଗର ଗୋଦାମରେ ପୋଲିସ ଚଢ଼ାଉ କରିବା ପରେ ଡ୍ରଗ୍ସ ଚୋରା ଚାଲାଣ ଧରା ପଡ଼ିଛି । ଚଟପଟା ମିକ୍ସର ପ୍ୟାକେଟ ଭିତରେ 208 କେଜି କୋକେନ ରଖାଯାଇଥିଲା ।
ଅଧିକ ପଢନ୍ତୁ : ପୁଅକୁ ଡ୍ରଗ୍ସ ଦେଇ ଚୋରି କରିବାରେ ସାହାଯ୍ୟ କରୁଥିଲା ମା'
ଦିଲ୍ଲୀ ପୋଲିସର ସ୍ପେଶାଲ୍ ସେଲ 200 କେଜିରୁ ଅଧିକ କେକେନ ଜବତ କରିବା ସହ ହାପୁର ଜିଲ୍ଲାର ଅକଲାକ ନାମକ ଅଭିଯୁକ୍ତଙ୍କୁ ଗିରଫ କରିଛି । ପ୍ରାଥମିକ ଅନୁସନ୍ଧାନରୁ ଡ୍ରଗ୍ସ ଜଣେ ବ୍ରିଟିସ ନାଗରିକ ଏଠାରେ ଲୁଚାଇ ରଖିଥିବା ଜଣାପଡ଼ିଛି । ଅଭିଯୁକ୍ତ ଅକଲାକକୁ ପଚରାଉଚରା ପରେ ବ୍ରିଟିସ ନାଗରିକଙ୍କ ଲିଙ୍କ ସାମ୍ନାକୁ ଆସିଛି ।